الجمعة، 4 يوليو 2008

شرف البنت زى عود الكبريت


كتير سمعنا عبارة إن شرف البنت زى عود الكبريت بيولع مرة واحدة ، دلوقتى بقى زى الولاعة ، يولع كذا مرة والبركة فى التكنولوجيا
الموضوع حساس جدآ ومحتاج جرآة ، ومش عارفه ليه طرح أى موضوع يمس الشرف بشكل خاص والمرأة بشكل عام بيعتبرها المجتمع موضوعات حرجة ولا يجب المساس بها أو حتى مجرد الحوار والنقاش فيها لأنها بتمس موروثاتنا وتقاليدنا وعاداتنا وكأننا بنتكلم عن أهرامات الجيزة مثلأ .
والطرح لم أخجل منه كإمرأة لأنى لم أستخدم كلمات خارجة أو بذيئة وإن كانت فى نظر البعض خارجة عن المألوف ، وهذا يؤكد إننا فعلآ مش صادقين مع نفسنا فى اللى بنطرحة فى أغلب اللى بننشره أو بنتكلم فيه وإلا كنا إعتبرناه كلام واضح وصريح ولم يخجل منه البعض
، أما عن وجهة نظرى الشخصية فى الأمر فأنا أرى أن غشاء البكارة ( ليس هو الوحيد ) المسؤل عن عفة وطهارة ونقاء الفتاه ، لأن المسألة بقت سهل جدآ ترميمها وكأن لم يكن ، وللتوضيح أكتر بقى فيه عمليات تدخل فيها الطب الحديث وبيطلق عليها ( ترقيع أو رتق ) يعنى عمل غشاء بكارة بديل للغشاء الطبيعى والبنت اللى بتتعرض لإغتصاب أو أى حادث ممكن يفقدها غشائها أو حتى اللى بتفقدة بإرادتها بتروح للدكتور تعمل العمليه دى بسهوله
بصراحة بقى اللى مجننى فى الموضوع إن الراجل الشرقى بيتعرف على البنت من دول وهات يا بوس وأحضان والذى منه ، وأول ما البنت تسلم له الكبريت ، يخلع منها ويكون سبب تحويلها من كبريت بيولع من أول مره إلى ولاعة مليانه غاز يولع أول ما يشم النار على طول .
وبالرغم إن الشاب اللى إتورط مع البنت فى نفس العلاقة اللى كان السبب فيها إنها تفقد عذريتها ، إلا إن المجتمع الشرقى بيحاسب البنت ومش بيحاسب الشاب بحجة إنه راجل ، الحقيقة أنا مش بدافع عن البنت ولا باتهم الرجل ، لكن لى سؤال لكل رجل وشاب
هل ممكن تقبل الزواج من فتاه فقدت عذريتها ؟؟
ولو حصل ووافقت ، نظرتك لها بعد الزواج ممكن تكون عاملة إزاى ؟؟
ممكن تقول إنها مش عذراء لأحد أصدقائك أو من أهلك أو أى شخص بتثق فيه ؟؟
نظرة المجتمع للفتاة التى فقدت عذريتها بشكل عام ، هل لها تأثير على قرارك فى الزواج منها ؟؟
خليك صريح وقول بدون خجل

هناك 26 تعليقًا:

Ahmed Al-Sabbagh يقول...

شوفى يا صديقتى

انا معاكى ان الاخلاق اتغيرت والكبريت بقى ولاعة

بس انتى بتتكلمى عن الموضوع كما لو كان منتشر وعادى

لا

رغم ان الظاهر انتشار الاخلاق الفاسدة

لكن تظل البنت اللى فرطت فى شرفها دى قلة نادرة مندسة

ما ينفعش نعمم الحالة

واعتقد البنت اللى وصلت لانها تعمل كدة بارادتها دى هتلاقى واحد بنفس اخلاقها ترتبط به

ولا ايه

تدوينة رائعة

تحياتى وتقديرى

احمد الصباغ

شــىءُ مــن البيــض يقول...

بجد وحقيقى ومش هزار
تشريفك لمدونتى شىء أعتز به جد وخصوص لما دخلت مدونتك وعرفتك أكتر ولقيتك بجد حاجة جامدة جدآ
أصل أنا لسه جديدة وبحاول ألاقى مكان ولو صغنون فى مجتمع التدوين اللى سمعت وقريت عنه
المهم رأى حضرتك فى الموضوع واضح منه طبعآ إنك مش ممكن تقبل الزواج من بنت بالحالة اللى إتكلمنا عنها ، طيب لو قلنا إن فيه بنت تانية بردو فقدت عذريتها فى حادث أو إغتصاب أو شىء لا يمس الشرف وليس لها دخل فيه ، أو حتى إتولدت من غير الغشاء دة آصلآ
تفتكر إنت كرجل شرقى ومصرى كمان ، ممكن تقترن بيها ؟

Ahmed Al-Sabbagh يقول...

أنا شخصيا مش متعصب
وممكن اقدر ظرف اى بنت اتعرضت لموقف سئ
لاننا كلنا ممكن نتعرض لاشياء خارجة عن ايدينا
لكن فى ناس بتحول الظروف الاستثنائية لواقع وبيضيفو له مفهوم التطبيع

والتطبيع يعنى الشئ يبقى عادى ونتقبلة
انا طبعا ضد ده

ثانيا انتى بادية بداية وكويس وان شاء الله تبقى مدونة جامدة جدا

واى حاجة تحبى تسألى عنها خاصة المدونات لو اعرفها هجاوبك
تحياتى لكى

احمد

مواطن مصرى نايم يقول...

بصى هو الموضوع مش لازم اننا نكدب فيه
لكن البنت اللى تفرط فى نفسها يبقى تستاهل ان اللى فرطت فى نفسها عشانه
يسبها و يخلع
لانه هو كمان واطى و سافل و يستحق الرجم لان دا زنا
دى الواجهه العامه للموضوع و كمان وجه الدين

اما بقى عن سؤالك اللى فى الاخر
لكل فرد ظروفة
لو كان سبب فقد عذريتها شئ قهرى او حادثة
مش انها فرطت فى شرفها و فى نفسها
يبقى ممكن اوافق

اما بقى لو واحده قبلت انها تفرط فى شرفها
يبقى ازاى تكون ام لبناتى مثلا
دا رأئى انا
مش عارف انتى موافقانى فيه و الا لا
تحياتى
eslam

مواطن مصرى نايم يقول...

انا عرفت من ردك على تعليق الصباغ انك لسه بادية

مش حقول اكتر من اللى قاله الصباغ يعنى
بس بجد بداية جامده
و برضوا لو احتجتى اى حاجة فى اى حاجة
انا موجود برضوا

على باب الله يقول...

المسألة كبيرة جداً , المجتمع ذكوري بحت بيغفر للرجل العط و اللذي منه , و بيسميه شقاوة و فتاكة لكن بالنسبة للبنت بتبقي مصيبة و عيدان كبريت .

و مش عارف ليه دايماً الغلط بيكون غلط البنت ... يعني ليه المجتمع بيحط كل اللوم علي البنت اللي ضيعت شرفها كأن الولد يعني من واجبه أنه يحاول , و من واجبه أنه يعاكس البنات و يحاول ينام معاهم ..

أما عن السؤال بتاع ممكن تتجوز واحدة فرطت في شرفها .. فموضوع الجواز أكبر من كده بكتير .. أكبر من مجرد غشاء بكارة علشان أنا بتجوز إنسانة مش عضو تناسلي !
و من الواضح يعني أن عمليات الترقيع موجودة فعلا و لا وجود إذن لضمان حقيقي ... و ممكن قوي يكون اللي فاكر نفسه متجوز خضرا الشريفة يكون متجوز واحدة مترقعة , ده غير أن الأهم عندي إنها ما تخونيش بعد الجواز ..

غير معرف يقول...

المجتمع الشرقي يحاسب على الاسرار بمعنى ان هناك بنات اقل ما توصف به انهن منحلات { في غير مكان اقامتهن طبعا } اما في الاماكن التي يعرفن فيها فهن شريفات عفيفات ولا يستطيع احد ان يذكرهن بسوء طالما الموضوع سرا
وهناك بنات شريفات فعلا تلوكهن الالسنه لمجرد ابتسامه علنيه
وايضا مجتمعنا يحاسب على النتائج
والنتائج دائما تظهر على البنت
اما من ناحية سؤالك الاخير هل تقبل الزواج من فتاه فقدت عذريتها ؟؟
هذا يتوقف على كيف واين فقدتها
هل هو اغتصاب
ام انها غلطه
ام انه الاستهتار بالقيم
عن نفسي كانت لي تجربه مع فتاه فقدت عزريتها وانتويت الزواج منها حتى ولو لفتره لتحمل بعدها لقب مطلقه وتستطيع ان تبدأ من جديد
لكنني وجدتها مهترئة المباديء مستهتره لن يفيد معها الاصلاح فانسحبت

ابو النجوم يقول...

الصديقه العزيزه
احييك على الخوض فى منطقه محظوره على البنات فى مجتمعنا الشرقى. واهنئك على مدونتك الجيده.
ولنعد لموضوع البنت والبكاره ومجتمعنا الشرقى. اولا انا معك ان هذا الغشاء ليس دليلا على العفه او الشرف الا انه يستخدم كقرينه ضد اى فتاه فقدته مع ان الجميع يعلم انه ممكن ان يحدث ماهو اسوء من الجماع ولكن من دون ان تفقد البنت الغشاء بمعنى اخر ان البنت التى تفقده لابد ان يكون بمزاجها وبناء عليه لابد ان تتحمل نتيجه قرارها او اختيارها امامن تفقده لظرف طارىء مثلا فهذه حاله لابد ان ننظر لها بعين الاعتبار لكنها تظل حاله فرديه يجب الا نعممها على الجميع .اما عن الزواج من فتاه فقدت عذريتها فصدقينى عمليه ليس فيها فرق فهى مجرد لحظه بعدها تذوب الفوارق وفى مجتمعنا الشرقى الرجل لايهمه مسأله البكاره بقدر ان يعلم انه سوف يوضع فى مقارنه مع الرجل الاول فى حياه البنت وهل كان الرجل الاول افضل منه او اقوى او افحل والا لما سلمته نفسها هذه مشكلتنا الابديه فكل رجل يريد ان يكون الاول فى حياه فتاته والفتاه تريد ان تكون اخر النساء فى حياته.

شــىءُ مــن البيــض يقول...

خالو أحمد
حقيقى متشكرة جد على تواصلك الشيق واللى بيأكدلى إنك فعل إنسان طيب ومتعاون ز ما فهمت من مقالك الأخير
وجهة نظرك وضحت جد ورأيك شىء باحترمة وأنا معاك فى رفضك لتحويل الظروف الاستثنائية لواقع وإضافة مفهوم التطبيع لها
شكر يا خالو
وربنا يخليلك المخاليل
عجبتنى قوى المخاليل دى

شــىءُ مــن البيــض يقول...

صديقى العزيز المواطن المصرى اللى نايم
صباح الفل
الحقيقة إنت إتكلمت فى جانب هام جدآ وأساسى وهو موضوع الدين ، ودة بيوفر لنا كلام وخوض فى حاجات كتير لأننا لو شيلنا الدين من الدنيا هاتتحول فى ثوانى لغابة ودى حقيقة أكيدة
أما رأيك الشخصى فى إن اللى فرطت فى شرفها بمزاجها ماتنفعش تكون إنسانة تأتمنها على بيتك وأولادك فصدقنى أنا كمان موافقة لأنها فعلآ لا تؤتمن ولا تصلح لأنها مش بتتقى الله فى نفسها قبل أى شىء

شــىءُ مــن البيــض يقول...

مواطن مصرى نايم

باشكرك جدآ عل روح التعاون دى ويا رب أكون عند حسن ظنكم بى

شكرآ جدآ لأنكم منحتونى إحساس بالتفاؤل من أول موضوع

شــىءُ مــن البيــض يقول...

على باب الله
هو دة بقى رأس الموضوع ( مجتمع ذكورى )

(((( أما عن السؤال بتاع ممكن تتجوز واحدة فرطت في شرفها .. فموضوع الجواز أكبر من كده بكتير .. أكبر من مجرد غشاء بكارة علشان أنا بتجوز إنسانة مش عضو تناسلي ! ))))

فعلآ الجواز أكبر من كدة ومش مجرد عضو تناسلى

(((( الأهم عندي إنها ما تخونيش بعد الجواز ))))

ودة أمر هام جدآ بين أى زوجين أو حبيبن أو شخصين
الثقة والإحساس بالأمان

وغالبآ لما بتكون البنت لها ماضى غير مشرف بيكون سبب فى عدم ثقة الزوج فيها
شكرآ لإضافتك القيمة

شــىءُ مــن البيــض يقول...

محمود النعمانى
ليه مش ليك مدونة ؟؟
إعملها وأنا أساعدك هههههه
أنا خلاص بقيت أقدم منك هههههه
نرجع لموضوعنا

أشتم رائحة النضج من كلماتك كما لو كنت فى الأربعين من عمرك
العقل والحكمة فى الحكم على الأمور لا علاقة له بالسن طبعآ لكن يبدو أنك تتمتع بالعديد من الخبرات

أشكرك لثقتك وطرح تجربتك كنموذج لرجل شرقى متفتح

شــىءُ مــن البيــض يقول...

أبو النجوم

ميرسى كتير إنك لبيت الدعوة وشرفتنى بالزيارة

أنا فعلآ شايفة إن فيه مواضيع كتير محظورة على البنات فى مجتمعنا
وأنا الحقيقة تمردت على الوضع وخرجت من سجن المحظورات وربنا يستر هههههه

(((( الرجل لايهمه مسأله البكاره بقدر ان يعلم انه سوف يوضع فى مقارنه مع الرجل الاول فى حياه البنت وهل كان الرجل الاول افضل منه او اقوى او افحل 000 هذه مشكلتنا الابديه فكل رجل يريد ان يكون الاول فى حياه فتاته ))))
دة إعتراف صريح وواضح إن الراجل الشرقى يعانى بعض المشاكل النفسية ، لكن يا ترى إية سببها ممكن تجاوبنى ؟؟
أنا أعتقد إن النموذج اللى إتكلمت عنه حضرتك بيفقد ثقته بنفسه
معندوش أساسآ ثقة فى نفسه أو فى فحولتة وإلا مكنتش فرقت معاه موضوع الرجل الأول دى ولا إية رأيك ؟؟

غير معرف يقول...

حدثك في محله
انا في الاربعينيات
لي مدونه على جيران
تشرفني زيارتك لها
elnomany.jeeran.com
مين الاقدم مش مهم
المهم مين الانفع لاهله ومجتمعه ووطنه
كوني بخير

ابو النجوم يقول...

جلوريا مامبو
انا عايز اقولك اننا مجتمع ذكورى سواء وافقتى ام لم توافقى . يعنى الحكم للرجل والقواعد بيضعها الرجل وحكايه شرف البنت زى عود الكبريت دى قالها يوسف بك وهبى . برضه راجل .والمرأه هنا بتكون محور الصراع بين رجل وأخر يعنى الجدع اللى أخد كريمه التورته الاول او هو اللى لحق قبل غيره ... وعجبتنى كلمه قالها واحد فيلسوف . ان الرجل الاول فى حياه المرأه هو الوحيد المتأكد انها كانت شريفه .

شــىءُ مــن البيــض يقول...

محمود النعماني

زيارتك شىء اعتز به ويشرفنى زيارة مدونتك
إنتظرنى أنا فى الطريق

شــىءُ مــن البيــض يقول...

أبو النجوم
بتتكلم عن المرأة وكأنك بتتكلم عن سوق النخاسة

سيادتك يا حضرة الجار الكريم بتقول

عجبتنى كلمه قالها واحد فيلسوف . ان الرجل الاول فى حياه المرأه هو الوحيد المتأكد انها كانت شريفه .

معنى كلامك ، قصدى كلامه (الفيلسوف) إن أبوه هو الوحيد اللى واثق إن أمه شريفة ?!!

منطق غريب

Mizom يقول...
أزال المؤلف هذا التعليق.
Mizom يقول...

هي المشكله إن المجتمع ذكوري قبيح، و أنا بصراحة باقترح ترقيع المجتمع شخصياً

dr. Ahmed Sakr يقول...

المشكلة هنا أختى الكريمة هى أن العرف والتقاليد بتخلى النظرة مختلفة ما دام الناس عرفت الأمر ده هينظروا للبنت نظرة تانية خالص

وطبعاً هى لو عملت عملية ترقيع أو غيره المهم هى مع جوزها تكون أزاى

بعد ما يعرف أنها كانت قبل كده غير الوضع اللى هى فيه هيكون مصيرها أيه

متهيألى الوضع هيختلف من واحد للثانى بس أنا بعتقد مهما كان عنده ذرة من الرجولة هيطلقها مهما كان بيحبها

بس اللى خلى البنت تعمل كده تربيتها وأنها لو متربية صح مش هتعمل الموضوع ده

وهتخاف على شرفها وعرضها

غير معرف يقول...

ثقافة الهزيمة.. عصابة البقرة الضاحكة 5‏

شركة «الأجنحة البيضاء» في عام 1986 شهد بداية تردد أسم الشركة في الحياة العامة، عندما قام (علوي حافظ) عضو مجلس الشعب بتقديم طلب أحاطة عن الفساد في مصر، مستنداً في جزء منه إلى أتهامات خاصة، وردت في كتاب "الحجاب"
VEIL
للكاتب الصحفي الأمريكي (بوب ودوورد)، وكشف حافظ عن تورط أسماء داخل النظام الحاكم فى صفقات بيع وشراء الأسلحة من الخارج "، ووثائق تتحدث عن صفقة أسلحة تم الحديث عنها داخل الكونجرس الأمريكي، حيث تحدث سيناتور داخل أحدى جلسات الكونجرس عن تأسيس مجموعة من العسكريين المصريين لشركة تدعى الأجنحة البيضاء لشراء الأسلحة من الولايات المتحدة بعمولات كبيرة.

أما أخطر هذة الوثائق هو ما كشف عنه التقرير النهائي للكونجرس والتى أكدت ان المفاوض المصرى لم يكن أبدا يعمل لصالح مصر بل لصالح عصابه سميت فورونجز، وأنه يجب محاكمته بتهمة الخيانة العظمى فى حق وطنه وصالح شعبه...باقى المقال فى الرابط التالى
www.ouregypt.us
و أقول بالنهاية هذا المقال يستحق القراءة فهو يجعلك تفكر كأنك قرأت كتابا دسما.

غير معرف يقول...




ثقافة الهزيمة .. ذكريات الأرض المفقودة


و نظرا لأن هناك لوبى نووى قوى فى أغلب الدول العربية يشجع شراء و بناء مفاعلات نووية يدعمه فساد بعض المسئولين من ناحية، و تجاهل كثير من وسائل الإعلام العربية لأخبار حوادث المفاعلات النووية بصورة مريبة من ناحية أخرى ، بالأضافة إلى جهل كثير من الناس بخطورة المفاعلات النووية ، قررت نشر هذه المعلومات سيما أنه بالفعل أشترت دولة الأمارات 4 مفاعلات نووية بتكلفة تزيد على 20 مليار دولار، و نقرأ عن خطط سعودية لشراء 16 مفاعل نووى بتكلفة حوالى 100 مليار دولار ، و سعى محموم فى بعض الدول العربية و منها الأردن و مصر لشراء مفاعلات نووية لتوليد الكهرباء !!! ...
باقى المقال بالرابط التالى

www.ouregypt.us


و نشرت مجلة دير شبيجل الألمانية فى 29 مايو 2012 " أشعاعات نووية : أكتشاف سيزيوم من فوكوشيما فى أسماك التونة أمام السواحل الأمريكية" أسماك التونة أمام السواحل الأمريكية ثبت وجود مواد مشعة نوويا بها ، وهى التى تسربت من كارثة المحطة النووية فى فوكوشيما اليابانية إلى البيئة. فى أغسطس 2011 أسماك تونة تم صيدها من أمام سواحل كاليفورنيا كانت ملوثة بعنصر السيزيوم 137 ، و على أية حال نرى أن الأسماك نقلت المواد المشعة سريعا ، أحتاجت الأسماك من 4 ـ 5 شهور كى تجئ بالمواد المشعة من اليابان حتى السواحل الأمريكية ، بينما الرياح و التيارات البحرية أحتاجت لعدة شهور أضافية حتى تحمل آثار الكارثة النووية فى مارس 2011 إلى سواحل أمريكا الشمالية

غير معرف يقول...

عطشـــان ياصبايا دلونى على السبيل

فى عام 2008 كتبنا فى مصــــرنا محذرين ...

من المؤسف أن صحفى مصرى مقيم فى أمريكا يكتب و يهتم و يحذر منذ أكثر من 6 سنوات بينما فى مصـــر نيام .. نيام -
عزيــــزى القارئ أرجو أن تتعب نفســـك و تقرأ :
- حوار مع السفير إبراهيم يســـرى
- حوار الفريق ســوار الذهب : أتمنى أن تزول الحدود بين مصــــر و الســـودان
- ثقافة الهزيمة .. السودان أرض مصرية
- ثقافة الهزيمة .. موسم الهجرة إلى الجنوب ...

بالرابط التالى

www.ouregypt.us


قال تعالى
و ضرب الله مثلا قرية كانت آمنة مطمئنة يأتيها رزقها رغدا من كل مكان فكفرت بأنعم الله فأذاقها الله لباس الجوع و الخوف بما كانوا يصنعون . سورة النحل آية 112

وهذا ما يحدث لمصر الأن فهل من رجوع إلى الله حتى يرحم المصريين مما هم فيه.

غير معرف يقول...


عصابة النووى

نشرت جريـدة المصرى اليوم فى 17 يوليو 2013 قال أحمد إمام، وزير الكهرباء والطاقة فى تصريحات صحفية، بعد إبلاغه بالاستمرار فى منصبه ضمن حكومة الببلاوى، إن البرنامج النووى لتوليد الكهرباء، سيكون أحد أهم محاور قطاع الكهرباء فى الفترة المقبلة.وأضاف:"لدينا برنامج جيد يستهدف إقامة 4 محطات نووية لإنتاج الطاقة،..

الخبر واضح منه أن عصابة النووى مش ناويين يجبوها البر و كل ما يجئ رئيس يروحوا له لأقناعه بشراء مفاعلات نووية
.
لماذا نشترى مفاعل نووى تزيد تكلفته على 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط؟!!!

بالرغم من كوارث المفاعلات النووية و أشهرها تشرنوبيل "أوكرانيا"عام 1986 و فوكوشيما "اليابان" عام 2011 مازال هناك فى مصر من المسئولين من يصر على أستغفال و أستحمار الشعب المصرى ، و يسعى جاهدا لأنشاء مفاعلات نووية لتوليد الكهرباء!!!!

و أصبح واضحا كالشمس أن هناك عصابة منذ عهد حسنى مبارك مرورا بعهد محمد مرسى و حتى الأن تسعى جاهدة منذ سنوات لشراء مفاعلات نووية لمصر و لا يهم و لكنها صفقة العمر لأفراد العصابة من حيث عمولات بمثات الملايين من الدولارات يستطيعوا بها أن يعيشوا هم و عائلاتهم كالملوك فى أى بلد يختاروه فى العالم أما عواقب المفاعلات النووية التى سيكتوى بنارها المصريين فهذا أخر شئ يهم فاقدى الشرف والذمة و الضمير ...

و نحن فى مصرنا نكتب منذ عام 2007 محذرين من مخاطر النووى و منبهين إلى البديل الأكثر أمانا و الأرخص

ثقافة الهزيمة .. النووى كمان و كمان
ثقافة الهزيمة .. العتبة الخضراء
ثقافة الهزيمة .. أرجوك لا تعطنى هذا السرطان

مزيـــد من التفاصيل و قراءة المقالات بالرابط التالى

www.ouregypt.us

اية يقول...

لو سمحتى انا عندى صديقه عندى ممارسة الجنس مع حبيبها
وحصلش دم ولا اية حاجه كده تبقى بنت بنوت ولا رح شرفها خلاص